Bem vindo ba Website Alumni Canossa 2012, Obrigado Barak Tamba Bele Vizita ona Website Simples Ne'e, No Keta Haluha Share.

Jumat, 18 April 2014

Happy Easter - Boas Festas Santa Paskua

Ba Professores, Funcionarios, Estudantes, Alumni, Inan-aman ,
Belun no Benfeitores sira hotu Liceu Canossa nian!
 “ Mate o nia kbiit iha nebe?”
Mate o labele tahan Jesus iha knotak rai nian, injustica
sei la tahan mos verdade.
Nune’e mos terus nebe ita koko iha mundo ne’e ki’ik liu, sei
to’o loron verdade sei sai mai liur hanesan Cristo Moris Hias
Nebe sai mai  halo soldadu Romanu sira namtate deit no halo rai nakdoko!
Fiar iha Jesus Ressucitadu katak fiar ba Lialos, nebe sei fo livre ba ita nia laran atu terus, sei hetan hakmatek iha terus laran! Sei fo esperansa mai ita katak terus ne’e sei hetan nia rohan!
Dala ida tan desejo ba imi hotu Pasqua ida nebe lori Paz no Ksolok!
               
Obrigadu Jesus, tamba ita saran An mate tan deit  hau!

Jesus moris hias, Ita nebe manan ona mate,
fo kbiit mai hau atu hakat liu terus no mate nebe lor-loron hau hasoru!
Ita nebe ksolok nia hun, tulun atu terus no todan nebe hetan
labele halakon ksolok nebe ita fo ona!
Jesus nebe halo buat hotu hakmatek,
haraik mai hau fuan ida hakmatek maske moris iha ahi-klak nia leten,
maske moris iha aitarak nia laran;
Jesus fo ba hau kbiit atu loron ba loron
dehan nafatin “ Hau sei bele hadomi maske todan”! Amen!
Ho domin no Orasaun

                                                                          
                                           Me. Francelina X. Freitas, FdCC

0 komentar:

Posting Komentar

 
Design by Florencio Sequeira Barreto | Bloggerized by Free Blogger Templates | coupon codes